مصطفى الشاذلي – كود سبور//

أشرف حكيمي، لاعب المنتخب الوطني ودورتموند الألماني مازال دايخ، واش يرجع لريال مدريد ولا يبقى فقرقتو.

اللاعب المغربي مازال مقررش حتى لدابا، وخاصو يفكر مزيان، قبل ما يتخذ قرار نهائي.
هادشي گالو للصحيفة الألمانية روهر ناخريشتن اليوم الاثنين.

حكيمي أكد أن قلبو منقسم بين الريال ودورتموند، وألا ارجع خاص تكون عندو ضمانات باش يلعب اساسي، لحقاش في دورتموند كيلعب رسمي.

ورغم أن ريال مدريد أكد أنه غادي يسترجع لاعبه أشرف حكيمي، بعد نهاية عقده مع دورتموند فالصيف جاي، إلا أن اللاعب المغربي أكد أنه مازال محسمش قرارو بصفة نهائية، لأن ذلك يتطلب منو التفكير  والثريث قبل ما يقرر في مصيرو، خصوصا أنه كيقلب فين يلعب أساسي، وما شي احتياطي.