كود كازا//

فالحصيلة اليومية لفيروس كورونا المستجد اللي علنات عليها وزارة الصحة اليوم الثلاثاء 8 يونيو، ففهذ 24 ساعة الأخيرة تقاسو 473، وماتو 6، وفالمجموع 3156 اللي كيتعالجو، وكثر من 293 ألف خداو الجرعة الثانية من الفاكسان.

التلقيح:

اليوم تلقحو 125274، بالجرعة اللولة، ووصل عدد الملقحين بيها ل9341497، بينما 293207 اللي خداو الثانية، ووصلو هكذا فالمجموع ل6457177.

الإصابات:

تقاسو اليوم 473 واحد من أصل 9897 واحد دار التحليلة، ووصل عدد المصابين فالمجموع ل522003.

ومؤشر الإصابة التراكمي وصل ل1434,9 لكل 100 ألف نسمة، بمعدل 1,3 لكل 100 ألف نسمة فهذ 24 ساعة.

حالات الشفاء:

تشافاو اليوم 383، ووصل الإجمالي ل509660، بنسبة تعافي ديال 97,6 فالمية.

الوفيات:

واليوم ماتو 6، واحد فكل من قنيطرة والرباط ومراكش وتطوان وجرادة وأكَادير، ووصل هكذا عدد الوفيات ل9187، بنسبة إماتة ديال 1,8 فالمية.

الحالات النشيطة والحرجة:

عدد الحالات النشيطة طلع ل3156، وعدد الحالات الحرجة طلع كذلك ل214 حالة، 23 تدهورات غير اليوم، و8 تحت التنفس الاختراقي، أما نسبة ملء أسرة الإنعاش بلغات ل6,77 فالمية.