أسرع ترقية: الحكومة عينات “صديق” بايتاس اللي كان موظف عادي لمدير مركزي ثم كاتبا عاما في أقل من 3 سنوات
كود كازا ////
رد حسبان بسرعة على الاجتماع لدعا ليه بودريقة الرئيس السابق واعلن فيه الترشح ديالو للرئاسة، باللجوء إلى المحكمة باش اطلب منها تحدد جلسة لبدء المحاكمة ديال الرئيس السابق بتهمة خيانة الأمانة، وتبدير أموال عمومية، وإعطاء معلومات خاطئة خلال افتحاص مالية الفريق.
حسبان مشا هو المحامي البارح في الصباح مباشرة بعدما سمع بودريقة مرشح، باش احرك الدعوى القضائية ضدو، باش ميخليهش افكر في الترشح للرجاء، خصوصا أن من الأسباب لعلى قبلها باغي بودريقة ارجع، هي احيد الدعاوي القضائية المرفوعة ضدو، وهادشي علاش حسبان حتى هو كيضغط باش تفصل المسطرة القضائية.
وكان حسبان رفع دعوى ضد بودريقة، وحيد ليه بطاقة الانخراط، وتاهموا بتخريب الرجاء، وطلب من المنخرطين باش ادعموه باش ارفع دعوى قضائية ضدو في اجتماع كان عقدوا معاهم سابقا، ودابا الشرطة القضائية مني رسلات الملف للمحكمة حسبان مشى كيطلب تحديد الجلسة.
ومازال الصراع بين حسبان وبودريقة غادي اتزاد مني قرب موعد الجمع العام لأن حسبان باغي مع عام عادي، وبودريقة كيضغط باش اكون جمع عام استثنائي، باش اجري على حسبان.