كود الرباط//

حركة “لا محيد” فحزب الأصالة والمعاصرة، تشتات ومبقا فيه حد سوى محمد ابودرار، المعارض للمكتب السياسي الحالي.
اخر المنسحبين من حركة لا محيد، هو عبد الرحيم نوف، اللي كان احد أبرز المعارضين لفريق وهبي، ودار تصريحات ضد فاطمة الزهراء المنصوري، رئيس برلمان المان.
نوف اعلن رسميا استقالته من البام. لكن مصادر “كود” أكدت انه التحق بحزب الحركة الشعبية في سوس.

ابودرار اللي كيتزعم هاد الحركة لقا راسو فعزلة، وحتى المنطقة فاش كيترشح (سيدي ايفني) مبقاوش عندو حظوظ امام المنافسة الشرسة اللي كاينا بين عبد الوهاب بلفقيه والاحرار.