عفراء علوي محمدي- كود//
عمال النظافة فشركات “أرما” و”أفيردا” للتدبير المفوض دارو، لبارح الاثنين واليوم الثلاثاء، إضراب على امتداد يومين، حالفين من خلالو يغرقو كازا بالزبل، بسبب تأخير الحصول على الأجود ديالهم الشهرية.
وحملو العمال الشركات المتعاقدة مع مجلس مدينة كازا فقطاع النفايات، المسؤولية ديال تأخير الساليرات، ودارو وقفة احتجاجية نددو فيها بهذشي، قدام مقر جماعة كازا.
وطالبو عمال النظافة السلطات المحلية باش تتدخل لفك هذ المشكل، على اعتبار انهم كيعانيو بزاف بسبب تأخير الأجور ديالهم، خصوصا فهذ الفترة اللي كتعرف فيها البلاد انتشار فيروس كورونا المستجد.
