الرئيسية > كود سبور > جوفنتوس باغي يخطف حكيمي من الريال ودورتموند دخلات على الخط
28/09/2019 16:00 كود سبور

جوفنتوس باغي يخطف حكيمي من الريال ودورتموند دخلات على الخط

جوفنتوس باغي يخطف حكيمي من الريال ودورتموند دخلات على الخط

مصطفى الشاذلي – كود سبور//

فريق جوفنتوس الإيطالي باغي يخطف أشرف حكيمي من ريال مدريد فالمرحلة الانتقالات الشتوية، واخا مازال كيلعب لدورتموند الألماني للموسم الثاني على التوالي على سبيل الإعارة.

وحسب صحيفة توتو سبورت الإيطالية، فإن جوفنتوس قرر يفاوض الريال رسميا باش يشري عقد حكيمي فيناير المقبل، لحقاش باغيين لعاب كيجمع بين الدفاع والهجوم.

اليوفي كايفاضل بين حكيمي وتوماس مونيي، مدافع باريس سان جيرمان، لكن اللاعب المغربي عندو حظوظ كبيرة باش ينتقل للكالشيو.

حكيمي، لي كايلعب للموسم الثاني مع دورتموند على سبيل الإعارة بدا المسيرة ديالو فريال مدريد وفاز معه لقب شامبيونزليغ قبل عامين.

ونجح حكيمي في تقديم مستويات عالية، الشي لي خلا دورتموند عبر على الرغبة ديالو باش يشري عقده من ريال مدريد.

من المنتظر أن يوجه وحيد خاليلوزيتش، مدرب المنتخب الوطني، الدعوة إلى حكيمي للمشاركة في المباراتين الوديتين أمام لبيبيا الگابون في أكتوبر المقبل.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم