كريم الصوفي – كود//
[email protected]

قالت تقارير اخبارية، أن “لاگوارديا سيبيل” سلمات السلطات المغربية، ف ظرف 3 أيام فقط، تقريبا 18 حراگ قدرو يوصلو للجزر الجعفرية ويطلبو اللجوء الدولي عند الصبليون. هاذ الحراگة كانو عارفين مزيان اش كيديرو من الناحية القانونية، غير وصلو رسلو ايميلات للحكومة المحلية ديال مليلية واتصلو بمحاميين وصورو فيديوهات ليهوم ف الجزر

وأضافت التقرير ذاتها، أن الامر كيتعلق بمغاربة وسوريين قدرو يحركو ويطلبو بعد وصولهم إلى الجزر المحتلة، اللجوء الدولي من السلطات المختصة ، لكن دون جدوى. وأوضحت المصادر نفسها أن الحرس المدني أعادهم بعد ساعات قليلة إلى الأراضي المغربية. وف 30 دجنبر 2021، وصلو 2 عائلات مغربية مع ولادهم ل جزيرة كونگريسو بعد ما غرقات الفلوكة ديالهم.

تسليم “الحراگة” ومن بينهم عدد كبير من القاصرين للسلطات المغربية ف وقت قصير، خلا بزاف ديال المنظمات الحقوقية تنتقد الاجراءت ديال الداخلية الاسبانية اللي كتعارض مع للاتفاقية الأوروبية لحقوق الإنسان، اللي كتنص على ضرورة نقل طالبي اللجوء والحماية الدولية إلى مكان آمن حتى يمكن الاعتناء بهم وبدء إجراءات التقديم مع الضمانات الواجبة، لكن الطلبات ديال “الحراگة” بقات بلا جواب وف ظرف ساعات قليلة تم طردهم  إلى المغرب.

كما أشارت التقارير إلى المادة 23 من قانون الهجرة، اللي كتقول أنه يتعين على الشرطة تحديد هوية كل شخص وصل إلى الأرخبيل الإسباني، بمساعدة قانونية ومترجمين فوريين، وبعد تقديم طلب الحماية الدولية، يجب استدعاؤهم للمقابلة من أجل تقييم وضعهم كلاجئين، حسب الاجراءات القانونية المنصوص عليها..

Nuevo frente migratorio: España devuelve en caliente a siete menores desde las Chafarinas