نجوى المالحي – كود//

كشف الكوميدي المغربي-الفرنسي جمال الدبوز أن حتى واحد ميقدر يوقفو من تحقيق داكشي لي باغي أو حاطو في راسو.

وكان قال الدبوز في حوار قديم شوية دارو مع صفحة فرنسية متخصصة في فيديوهات ديال التحفيز تابعة لـ”Kombini”: “ملي قال ليا الطبيب أنه منقدرش نحرك يدي ليمنية قلت ليه عطيني ستيلو نكتب باليسرية”.

الكوميدي لي عندو شهرة كبيرة في فرنسا والعالم الفرنكوفوني، قال أنه ماكينش الوقت الكافي باش يضيعو، وأن والديه عطاوه الثقة والحب اللازم باش يزيد للقدام، وشدد أنه إلا كان حب الوالدين حتى حاجة ماتقدر تحبسو.

الفيديو قريب يوصل لمليون مشاهدة، وبزاف ديال المعلقين تساءلو علاش ميديرش بروتيز في يدو، لكن يبدو أن جمال الدبوز رافض الفكرة.

https://www.instagram.com/reel/CKedb5zB79C/?igshid=1qt51m63vgiem