كريم الشركي-كود//

بعدما علنات السلطات المحلية بجهة غاليسا الإسبانية، أنه ابتداء من اليوم الخميس، غايبدا حظر التدخين فالشوارع وعلى أرصفة المقاهي والفضاءات العامة، يلا ماكانش ممكن الحفاظ على مسافة أمان مكتقلش على جوج متر بين الناس المتواجدين بهذه الأماكن، قالت وسائل اعلام اسبانية أن حتى جزر الكناري غاتمشي فهاد الاتجاه .

الإجراء اللي دارتو وزارة الصحة فالحكومة المحلية دجهة غاليسيا، وتنشر لبارح الأربعاء 12 غشت الجاري، بالجريدة الرسمية للجهة، أنه “مايمكنش تجاهل ارتداء الكمامات باش بنادم يكمي كارو أو السجائر الإلكترونية فالشارع العام أو فالهواء الطلق بما في ذلك أرصفة المقاهي ما لم يكن من الممكن الحفاظ على مسافة الامان”.

هادشي دارتو غاليسيا، وغاديرو كناريا، باش ينقصو من عدد الاصابات فالمناطق ديالهم.