كود كازا//
الممثلة أحلام شرف دين فطمات بنتها من بعد عامين ديال الرضاعة طبيعية، وشاركات المتتبعين ديالها بالصورة الأخيرة وهي كترضع بنتها في التران.
الصورة بان فيها شوية ديال اللحم من صدرها، وناض عليها الصداع في التعاليق.
بزاف ديال البنات عيروها وانتقدوها علاش تحط صورة مماثلة كترضع، وهي توكَض ليهم واعطاتهم القاصح، وكتبات “كاين لي شاف البزولة في الرضاعة الطبيعية ولي شاف غي البزولة وتخيل الراقي”.
وقالت أنها تصدمات من رد فعل شي بنات، وقالت ليهم “سيرو تزوجو وبداو ترضعو ولادكم عوض تبقاو جابدينهم وترضعو بالتخبية”.