كود كازا ////

جدد ايريك كوم رئيس الامراض المعدية ل”بيتييي سالبيترير” دعوته باش يتعاداو الشباب بيناتهم بكورونا فيروس. هاد الدعوة عاودها بعد ما كان طلقها هادي ايام٬ على بلاطو “بي اف ام تيفي” الاخبارية الفرنسية.  هاد المرة قال باللي الصيف مناسبة لتطبيق دعوته. مع كيكونو بوحدهم وبعاد على العائلة ويكتاسبو مناعة قبل من الدخول المدرسي. 

الطبيب المتخصص قال ان الشباب ضحية ازمة “كورونا” من خلال البطالة ما يمكنش تمنعو من الاحتفال فالصيف٬ وان هاد الفصل مناسب باش يتجنبو دخول مدرسي يقدر يكون خايب

واكد ان ما اقترحه هو باش يفتح النقاش العمومي وباللي ما يمكنش ترفض على الشباب حوايج كثيرة وباللي المهم دابا هو اقتراح حلول منها نخليو الشباب بيناتهم يتعاداو ولكن يبعدو على الناس لكبار فالسن واللي عندهم امراض مزمنة