كود فاس//

جامعة محمد بن عبد الله في فاس، مخلاتش هاد المرة الفصائل الطلابية الاسلامية تجيب شيوخ سلفيين كينشرو فكرهم السلفي فالجامعات المغربية، منهم عبد الله نهاري، وعادل رفوش.

المنع جاء في بلاغ  ديال إدارة كلية الشريعة بفاس، حيث قال البلاغ :”بناء على اشعار من فصيل طلابي بتنظيم نشاط يؤطره كل من النهاري وعادل رفوش أيام 11 و12 و13 مارس 2019، يعلن عميد كلية الشريعة بالنيابة أن هذا النشاط غير مرخص له في رحاب الكلية”.

وأضاف البلاغ :” يحمل أي اخلال بالسير العادي للمؤسسة لكل من أقدم على ذلك”.

دبا هاد الاسلاميين فالجامعة معندهم لا مفكرين ولا مثقفين يجيبوهم يأطرو الطلبة الجامعية الا هاد النهاري ورفوش، الاسلاميين طبعا لي فكلية فاس هوما ناس ديال العدالة والتنمية، لي كيمشيو يجيبو الشيوخ بحال الفزازي ونهاري غير باش يبانو واعرين وقوين فالساحة.

هاد المنطق خايب بزاف وكينتج لينا امثال هاد الشيوخ لي اصلا غير كيشوفو العاقة وتحضنهم السلطة، كيبقا يغردو مع السرب.