الرئيسية > آش واقع > توقع. خطاب العرش غادي يصوط فاكثر من 20 وزير فحكومة بنعرفة والضربة لكبيرة غادي ياكلها البي جي دي والبي بي اس وهيكلة جديدة فيها وزراء قلال جاية
13/08/2019 13:30 آش واقع

توقع. خطاب العرش غادي يصوط فاكثر من 20 وزير فحكومة بنعرفة والضربة لكبيرة غادي ياكلها البي جي دي والبي بي اس وهيكلة جديدة فيها وزراء قلال جاية

توقع. خطاب العرش غادي يصوط فاكثر من 20 وزير فحكومة بنعرفة والضربة لكبيرة غادي ياكلها البي جي دي والبي بي اس وهيكلة جديدة فيها وزراء قلال جاية

كود احمد الطيب ////

فخطاب العرش طلب رئيس الدولة من رئيس الحكومة يجيب الكفاءات ويجدد هاديك الحكومة تكون قادرة طبق المشروع التنموي اللي غادية دير ليه لجنة وتصيغو. الكفاأة عملة ناذرة لا فحكومة بنعرفة لا فالقطاع العام لان اغراءات القطاع الخاص وبرا كبيرة بزاف.

توقعت مصادر ل”كود” ان يطيح التعديل بكاع كتاب الدولة “كانت تجربة فاشلة بزاف مع هاد الحكومة. كتاب الدولة باسثناء واحد او جوج غير كيدورو كيديرو لعراضات وكيتساراو وكيتصورو. زايدين ما فيديهمش” يشرح مصدر ل”كود”.

دابا كتاب الدولة غاديين يطيرو٬ باستثاء مباركة بوعيدة اللي مشات رئيسة جهة كلميم واد نون وكتسنى غير قبول استقالتها من كتابة الدولة المكلفة بالصيد البحري وتولي رسميا خارجة الحكومة٫ فالباقي كلهم معلقين.

ماشي غير كتاب الدولة اللي غادي يدخل فيهم تران خطاب عيد العرش٬ كاينين وزراء يالله جاو غاديين يمشيو. انس الدكالي وزير الصحة اللي فشل يجيب قانون يسمح للاطباء الاجانب يمارسو فالمغرب وطاح ضحية مافيا الاطباء فالمغرب. الخطاب هدر على قطاع الصحة بلا ما يسميه. هدر على وحدين ضد الانفتاح. كيفاش بلايص ما فيهمش اطباء حقاش كيرفضو يمشيو للمناطق البعيدة وهاد الاطباء رافضين حتى يسمحو للاطباء الاجانب يمارسو فالمغرب. هادا راه لحماق. الدكالي ماشي غير فشل فهادي قودها بزاف فتدبيرو لامور اخرى. دواصا غاديين يتجبدو ليه.

وزير التربية والتعليم امزازي يقدر يدخل فيه التران. علاقتو مع القصر موحالش تنفعو. ايلى بقى نغسلو يدينا على هاد لبلاد. وزير السكنى الفاسي الفهري ما فاهم ما عارف والو. غادي يطير. دابا واش التقدم والاشتراكية غادي يبقى فالحكومة ولا يخرج للمعارضة. كلشي وارد. المهم نبيل بنعبد الله الامين العام للحزب حافظ سوارو. كيعرف كيفاش يخرج راسو ومعاه الحزب.

عبد الواحد لفتيت وزير الداخلية ممكن جدا يمشي ايلى صحيا ما باقيش قادر علي هاد الوزارة. عملية صعيبة دارها على القلب جوجت المرات. الوزارة محتاجة لبيلدوزر. صحيح وقوي وكيخدم. ممكن يكون محمد اليعقوبي والي الرباط سلا. قتال فالخدمة وما عمرو حصل فشي قضية التخوشيف. يتوقع ما يبقاش عند الداخلية وزير منتدب.

البي جي دي يمكن يكون اللي غادي يطير منو عدد من الوزاراء. من غير كتاب الدولة اللي عندهم 4 يقدر يمشي محمد يتيم وزير الشغل ومحتمل جدا حتى محمد عمارة وزير التجهيز والنقل وحتى مصطفى الخلفي الوزير المنتدب في العلاقات مع البرلمان والناطق الرسمي ممكن يطير. هاد الشي الى مشاو فتقليص عدد الحقائب. اللي متوقع ان مصطفى الرميد غادي يستمر بحالو بحال عبد العزيز الرباح وزير الطاقة والمعادن وحتى بسيمة الحقاوي يتوقع تبقى فوزارة الاسرة والتضامن.

وزير السياحة محمد ساجيد من الوزراء اللي ما دارو والو غادي يدخل فيه التران. فحزب التجمع الوطني للاحرار من غير عزيز اخنوش وزير الفلاحة والصيد البحري ومولاي حفيظ العلمي وزير التجارة والصناعة … وبنشعبون وزير المالية والاقتصاد اللي غاديين يبقاو كلشي يمكن يتغير.

الحكومة الجاية غادية تعاود ليها الهيكلة. هاد الشي اكيد. غادية تكون مقلصة بزاف مقارنة بهادي ديال بنعرفة اللي خرجات فظروف معروفة.

موضوعات أخرى

29/03/2024 14:46

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 13:20

تفاصيل اعتداء فرنساوي من أصول جزائية على مغربي فطنجة: مول الفعلة تقدم مع مرا فرنسية للنيابة العامة

29/03/2024 13:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟