28/03/2024 12:00
الكورة ولات خطر على الحياة فالجزائر: لعاب جزائري مات بسبب غياب الإسعاف فالتيران
كريم الشركي-كود///
توفيق امنكور، مغربي من تطوان مشى حارك لاسبانيا، وفيها تعلم الاسبانية وبقى يغني الفلامينكو فالشوارع باش يجيب قوت يومه.
هاد المغربي كان محط أنظار وسائل اعلام اسبانية فالايام الاخيرة، بعدما شارك فبرنامج ” تييرا دي تالينتو” أو أرض الموهبة، لي هو برنامج قريب لاراب غوت تالنت النسخة العربية من البرنامج الامريكي الاكثر شهرة فالعالم.
الغناء ديال توفيق كان زوين بزاف، لكن ابداعو ملي دخل العربية مع موسيقى الفلامينكو خلا لجنة التحكيم دوخ، وكولشي يعطيه العلامة الكاملة ويتأهل للمرحلة الجاية.
توفيق بقى كيبكي وتأثر وهو كيغني، حقاش كيف قالت وسائل اعلام اسبانية، دازت عليه كحلة من نهار جا لاسبانيا وعاش فالشوارع ماعندو لا وراق اقامة لا عند من يكون.