وكالات //

قررات العاصمة الهندية نيودلهي باش تسد كَاع المدارس لمدة سيمانة بعدما سجل تلوث الهواء فيها مستويات كتخلع بزاف.

رئيس وزراء حكومة نيودلهي أرڤيند كيجريوال (Arvind Kejriwal) قال للصحافيين أنهم قررو يسدو المدارس باش الوليدات الصغار مايبقاوش يشمو الهوا موسخ خصوصا فاش كيكونو جايين غاديين فـ طريقهم للمدارس.

وفي نفس الوقت طلبات الحكومة المحلية من الموظفين يخدمو من ديورهم (تيليتراڤاي)، وطلبات من المؤسسات الخاصة تخلي الناس يخدمو عن بُعد.

وبينات البيانات الحكومية أن مستويات التلوث في المدينة الضخمة وصل 437 على مقياس من 500 درجة لمؤشر جودة الهواء، وهي نسبة أعلى بحوالي 8 أضعاف مقارنة بالمعدل العالمي.