28/03/2024 09:00
محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008
وكالات //
كشفات تقارير صحافية أن ناطحة السحاب اللي كاينة فمدينة سان فرانسيسكو الميريكانية واللي معروفة بإسم “برج الألفية” (Millennium Tower) غادة وكتغرق فالأرض.
صحيفة “ذا كَارديان” البريطانية قالت أن الكَرات سيال غادة وكتميل على واحد الجنب بمعدل 7.5 سنتيمتر سنويا.
وكانو بزاف ديال المشاهير وموظفي شركة “كَوكَل” كيتسابقو باش يشريو بيروات فهاد ناطحة السحاب قبل مايتصدمو بكونها غادة وكتدفن فالأرض.
وإلى حدود 2016 البناية غرقات بمقدار 40 سنتمتر فالتراب والجهة فين كيجمعو فيها الزبل اللي كاينة فمنطقة البيزنس والمال فسان فرانسيسكو.
ولافير ناضت عليها الهضرة من هادي مدة وكلشي كيتسنا كيفاش غادي تكمل عمليات إصلاح المشكل ديال هاد الكَرات سيال اللي كيهددها منطقة على كَدها.