اسماء غربي – وكالات//

كاين بزاف ديال الاشاعات على سبب خلاف الاخوة المفضلين ديال العائلة المالكة البريطانية، الأميران وليام وهاري، ولكن مختصة فهادشي كشف طبيعة هاد الخلافات، واسبابها.

وكشفت الخبيرة في شؤون العائلة المالكة في بريطانيا، إنگريد سيوارد، بعض هاد التفاصيل في الفيلم الوثائقي “وليام وهاري: أميران في حرب؟”.

وقالت سيوارد، ان اكثر حاجة أثارت الخلافات بين الأميران، هي ان وليام، كيظن ان خوه الصغير هاري ومراتو الممثلة الأميركية السابقة ميگان ماركل، كيخرقو ديما قواعد البروتوكول الملكي.

وقالت خبيرة أخرى بالشأن الملكي في بريطانيا، سميتها كيتي نيكول، أن العلاقة بين وليام وهاري توترات فاش ارتابط الأخير بماركل، لأن وليام كيظن أن العلاقة مشات بالزربة بزاف.

وبزاف اعتابرو أن مرافقة ميدلتون لماركل فبطولة ويمبلدون كان بمثابة مبادرة لتحسين العلاقات، خاصة وأنهم دابا بجوج ولدو، وهو الأمر اللي قربهم.