دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه
كود – وكالات //
صحافية شداتها الكاميرا كَالسة تعمر راسها بالغيس قبل ما تبان على الهواء مباشرة، خلال تغطيتها للفيضانات اللي عرفاتها ألمانيا، باش تبين للناس انها حتى هي تكرفصات وتضررات من هذشي اللي وقع، او عاونات الضحايا.
وكانت الصحافية سوزانا أوهلين (39 عام) كاتوجد للمباشر لتغطية الدمار اللي عرفاتو منطقة منكوبة بسباب الفيضانات اللي كانت فالمنطقة، على قناة “أر تي إل”.
وقبل ما يبدى التصوير، نزلات الصحافية للأرض وبدات تعمر راسها بالغيس والتراب، وطلات حتى وجهها، وهادشي فيلماتو كاميرا شي واحد مجهول.
German TV reporter Susanna Ohlen suspended after a video showed her smearing mud on herself before reporting from a flood site. #germanyfloods. pic.twitter.com/kqTreCUl37
— Annu Kaushik (@AnnuKaushik253) July 23, 2021
واعتذرات الصحافية على اللي وقع من بعد فاش تفضحات، واعترفات بالذنب، وقالت “هادشي ماكانش خصو يوقع وأنا كانعتذر، حيت من بعد ما عاونت الناس فمرة سابقة بالفعل، حشمت نبان بحوايج نقية قدام عمال الإغاثة، وبسباب هذشي، وبلا مانفكر جوج مرات، عمرت راسي بالغيس”.
وعلنات قناة “أر تي إل” أنها جرات على الصحافية، حيت داكشي اللي دارت “كايتعارض مع تصرفات مراسلتنا بشكل واضح ومع المبادئ الصحفية”.