وكالات //

وقع عمدة العاصمة الأوكرانية كييڤ، ڤيتالي كليتشكو (Vitali Klitschko) فموقف محرج، بعدما غلط فتهنئة السكان بمناسبة العام الجديد.

الناس فالأنترنت بارطاجاو بزاف الفيديو ديالو وطلعوها عليه وهو كيبارك للأوكرانيين العام الجديد”2220″ (بلاصة ما يكَول 2022)، وحاول يصحح الزلكَة لكن فمو تراجل عليه وزاد بارك ليهم عام “2222”!

ڤيتالي كليتشكو هو بوكسور سابق مشهور هو وخوه ڤلاديمير (Wladimir Klitschko) فنفس السپور، كان بطل العالم فالبوكس قبل ما يدخل عالم السياسة.

ملي بدا فالمنصب ديالو 2014 وهو ديما كيزبلها فالتصريحات ديالو وكل مرة داير شي زلكَة.