19/04/2024 20:00
ظهور الإنسان المغربي الجليدي! آن الأوان لنحدث قطيعة مع مناخنا. فالحر الشديد ليس قدرا. وعلينا أن نتوفر على الإرادة لتبريد طباعنا وعاداتنا
سامي العلوي- گود//
البارح الاثنين كانت المقاطعة ديال الامتحانات الاستدراكية لي قادوها طلبة معندهمش علاقة بسلك الاجازة وبدات ففايسبوك، وبالضبط فمجموعة “FSJES SETTAT كلية الحقوق سطات”.
وقالت مصادر من داخل جامعة الحسن الأول بسطات ل”گود” أن حسنة كجي عميدة كلية العلوم القانونية والسياسية مزيرة الطرح ومكينش البسالة وغادا في تنزيل مشروعها الاصلاحي، دارت ثلاثة ديال شكايات اللولة لوكيل الملك بالمحكمة الابتدائية بسطات والثانية لوالي ولاية الأمن والثالثة لعامل الاقليم لي تنظيميا كيمثل سيدنا فالاقليم. ودعاتهم كاملين باش يتدخلو ويحميو المؤسسة من هاد الشي ديال البلطجة لي ولا، والضسارة الكبيرة لي واقعة.
وحسب مصادر “گود” الامتحانات مغاداش تتعاود. لي جا يدوز مرحبا ولي مجاش مرحبتين يمشي للعام الجاي.
وهادا قرار مكينش فيه الرجوع حسي مصدر “كود”.
