كود كازا ///

كود” حصلات على تفاصيل جديدة فعملية تهريب رجل الاعمال سعيد بنشرقي قبل 5 سنوات. عملية بانت كانت خطة باش يتم الاستيلاء علي شركتو “بروديك” للصباغة. ماشي غير الكتاب اللي ليكاليزيو فيه شي وثائق اللي غبر وما بقى حد لقاه بل حتى بعد هاد التوقيع كان جزء من الخطة وهو تهريب بنشرقي اللي كان مبحوث عليه بسباب شيكات بدون رصيد.

من غريب الصدف ان هاد لخبارات تزامنات مع ايداع بنشرقي فعكاشة اليوم بسباب هادوك الشيكات.

وفق مصدر “كود” فان بنشرقي تهرب فسيارة رانج حمرا ووفق مصدر “كود” فكان فهاد الطونوبيلة الطرمباطي وشي حد اسمو كريم وبنشرقي =داروك فالكوفر= وجوج شخصيات كتحفظ كود على اسماءهم.

الطرمباطي عارفهم وعارف فين خدامين. خاصو هو يقولها للمحققين