عساكرية من مالي والنيحر شاركو مع البوليساريو فتمرين دارتو دزاير (تصاور)
كود كازا ///
الجزائر داخلة فتصعيد جديد هاد المرة عسكري مع المغرب. مع الرئيس الجديد تبون ما تبدل والو فسياسة هاد البلاد واول قراراتو اتجاه جارو هو يبني قشلة. فحسب جريدة “كل شيء عن الجزائر” الالكترونية بالفرنسية فان “الجزائر كتوجد لاطلاق مشروع بناء قشلة غرب البلاد. قريبة للحدادة مع المغرب”. هاد الشي قالو ليهم مصدر وصفاتو الجريدة الجزائرىة ب”مؤكد”. اي مصدر عسكري.
المشروع جا وفق نفس اليومية٬ رد علي مبارة مغربية اخيرة لبناء قشلة عسكرية ماشي بعيد على الحدود المغربية الجزائرية. هاد الشي راه الرباط كانت نفات هاد الشي وقالت ان كل ما هناك هو قشلة صغيورة يباتو فيها العساكرية. ولكن فعقلية الدزاير اي حاجة دارتها المملكة راها ضدها.
الجزائريين مشاو بعيد وقالو باللي هاد المشروع اللي على 23 گتار دار بمساعدة اسرائيلية وباللي غادي يكون بنية للتجسس الالكتروني يضيف مصدر عسكري للجريدة الجرائرية.
هاد القشلة غادية تشعل علاقة اصلا متوترة.