الرئيسية > آش واقع > تصرف مراهق لوزير خارجيتنا. قاليك المغرب يتضامن مع ضحايا نيس ويحث مختلف الاطراف” وقبل هاجم فرانسا. غير قول لينا اش من اطراف: راه فرانسا ضد الارهاب ماشي فرانسا ضد مسلميها وما تنصحش بلاد ما عندك قضاءها وعدالتها
29/10/2020 17:15 آش واقع

تصرف مراهق لوزير خارجيتنا. قاليك المغرب يتضامن مع ضحايا نيس ويحث مختلف الاطراف” وقبل هاجم فرانسا. غير قول لينا اش من اطراف: راه فرانسا ضد الارهاب ماشي فرانسا ضد مسلميها وما تنصحش بلاد ما عندك قضاءها وعدالتها

تصرف مراهق لوزير خارجيتنا. قاليك المغرب يتضامن مع ضحايا نيس ويحث مختلف الاطراف” وقبل هاجم فرانسا. غير قول لينا اش من اطراف: راه فرانسا ضد الارهاب ماشي فرانسا ضد مسلميها وما تنصحش بلاد ما عندك قضاءها وعدالتها

كود هناء ابو علي ///

ناصر بوريطة وزير الخارجية والتعاون يتصرف فوزارة الخارجية وكيهدر باسم المغرب بحال شي مراهق. بحال ايلى ديالو. ما عندو شرعية التصويت ولا هو ناطق باسم الحكومة٬ كل مرة كيخرج بيان مبرهش.

اخر بياناتو هو اللي خرج اليوم قال فيه باللي “المملكة المغربية” تدين “الهجوم الذي وقع اليوم الخميس بمدينة نيس (فرنسا) ، معربة عن تضامنها وتعاطفها مع الضحايا وعائلاتهم”.

من غباؤو عطى الدروس لفرانسا بوقاحة. وهدر باسم المملكة وبحالو ما خاصهمش يهدرو باسمها وما عمر المملكة كان عندها بحالو بهاد الخفة٬ باش قال ” أن المملكة المغربية، تدعو الى تجاوز السياق السلبي، والمناخ المتوتر حول الدين، و تحث مختلف الأطراف على البرهنة عن روح الاعتدال والحكمة واحترام الآخر”.

دابا بلاد فحداد بعد ذبح شي تونسي جا حارگ ل3 كلهم ماتو فكنيسة٬ وهو كيهدر على “السياق السلبي” و”مختلف الاطراف” اش من اطراف؟ راه الدولة الفرنسية والارهابيين. ما كاينش شي طرف اخر. راه محمد موساوي ديال مجلس مسلمي فرانسا مع بلادو وقال باللي خاص كاع احتفالات عيد المولد تلغى كاع.

قبل هاد البيان كان هاد النزق اللي خف من رزقو ناصر بوريطة عطى لفرانسا الدروس على حرية التعبير. يكون غير عندك انت قضاء مستقل ونظام يحترم الانسان بحال فرانسا ويمكن ليك تهدر.

ديك المرة هاجم المانيا بدون مناسبة وقبل بقلة لحيا سب اللي كان قبلو مزوار صلاح الدين.

اش هاد المراهقة وصلناها مع ناصر بوريطة. يخدم اللي بغى بلا حتى حاجة. مدور بيه غير حوارييه. اللي عارضو يجري عليه وكيكره لعيالات اللي عندهم شخصية. وصلنا معاه للشوهة

موضوعات أخرى

29/03/2024 14:10

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 13:30

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:45

وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:30

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو

29/03/2024 11:30

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات