وكالات //

مات الطالياني موريزيو بوراتي (Maurizio Borati) اللي تشهر بزاف فبلادو بعدما داز فبرنامج إذاعي ديال “Radio 24” فالطاليان، عبر مكالمة هاتفية، كيطنز على وباء كورونا وكان ضد كل هاد الإجراءات اللي تدارو ضد انتشار الفيروس والحفاظ على الصحة العامة.

السيد اللي كان خدام ميكانيسيان، وساكن فمدينة “Mantua” فجهة لومبارديا، تصاب بڤيروس كورونا وتكرفص بزاف وماقدرش يقاوم ومات فالبدية يدال هاد السيمانة بعدما دوز 22 يوم قاصحة وسط قسم الإنعاش فصبيطار فيرونا.

موريزيو (61 عام)، و المشهور بـ”Mauro”، كان فحياتو كيفتاخر أنه ماكيديرش الكمامة وكيخرج بلا بيها واخا كانت فيه السخانة وبللي ما كيدير حتى أجراء احترازي وبللي ما كيخافش من الڤيروس وأنه ضد الڤاكسان وغيرو. ساعة مع الأسف جابها فراسو فاللخر.