كود الرباط//

مواجهة جديدة تلوح في الأفق بين المحامين ورجال السلطة. فقد انتشر خلال الساعات الماضية تسجيل صوتي كيهضر فيه شي محامي وقايد بمنطقة “أبي الجعد”. هاد المحامي شبع سبان ومعيور من الراس حتى لرجلين فحق هاد المسؤول الترابي.

هاد المحامي وجه اتهامات خطيرة للقايد، من قبيل أن كيشد الرشوة وبأنه “جِيعَانْ”، وغيرها من الاتهامات التي تفتقد للأدلة. القايد بان كيهضر بارد مع هاد المحامي، وقاليه من أنه من حقو يجي يراقب التجزئة ديالو بصفته مراقبة البناء طبقا للقانون.

المهم التسجيل فيه السبان بزاف بزاف. رجال السلطة فالمغرب كاعيين وشاعلين بسبب هادشي لي كيوقع ليهوم بين الفينة والأخرى. مابيديهوم يقابلو خدمتهم فهاد الحجر الصحي وتنفيذ إجراءات الدولة ومابيدهوم يقابلو لي يسبوهوم ويطيحو ليهوم من قيمتهم وكرامتهم.

في مقابل ذلك، علمت “كود” أن المصالح المركزية بوزارة الداخلية فتحت بحث في الموضوع لاتخاذ الإجراءات المناسبة على ضوء ذلك.