نجوى المالحي-كود//

أكدت مصادر قريبة من الفنانة نجاة اعتابو لـ”كود”، ان خبر الطلاق لي علنت عليه على حسابها في انستكَرام قبل أيام، حقيقي ولكن غير من جهتها هي لي طلبت الطلاق، في الوقت لي راجلها مراد مازال متشبث علاقتهم الزوجية.

التبركيكة لي جابت كود أكدت ان خطوة تعلن على الطلاق نوضات الصداع بينها وبين راجلها لي ضد الفكرة، وكان كينتظر أنها تبرد ويهضر معاها ويقادو الأمور ولكن هي تسرعت بالخطوة.

ولحدود الساعة باقة نجاة اعتابو وراجلها مامشاوش للمحكمة باش يقننو الطلاق ديالهم رسميا، ولكن الخصومة باقة قائمة، واخا مراد كيحاول يقنعها باش تراجع على القرار.ج ديالها.