كود – فاس//
قيادي استقلالي محلي بفاس مزال كيتحاكم أمام غرفة الجنح الاستئنافية بمدينة فاس بعدما ضربوه بشهرين حبسا نافذين مع أداء 500 درهم غرامة، خلال المرحلة الابتدائية. المعني بالأمر الذي يترأس جمعية للأطفال المصابين بالسرطان يتابع في حالة سراح من أجل “تبديد محجوز”.
وجاءت محاكمة هاد الاستقلالي اللي كان مقرب من شباط وكيدير دبا تنظيم المهرجانات، بعدما مشا بدّد محجوزات كانت موضوع للتصفية القضائية لفائدة أزيد من 280 عامل وعاملة في وحدة لصناعة النسيج، كان ف الملكية ديالو مع خوه وشي شركاء آخرين.
وكان عون قضائي قد عاين اختفاء بزاف ديال المحجوزات من المعمل، من قبيل جوج كاميونات وقطع من الثوب الخام. هاد المحجوزات كانت موضوع حجز لتنفيذ حكم قضائي يقضي بتعويض هاد العمال بما مجموعه جوج مليار سنتيم.
