ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة
نجوى المالحي-كود//
فاطمة الزهراء الابراهيمي لي معروفة ب”سنبلة” حيت كانت كتقدم برنامج “سنابل” في الأولى هادي سنوات خدامة بالمثل الشعبي لي كيقول “تاكل مع الذيب وتبكي مع السارح”، السيدة عايشة من البلوگينگ وكدير الاشهارات لي كتشد منهم الفلوس صحيحة وملي تجي تدوي كتقدم راسها كممثلة ومنشطة.
فاطمة الزهراء كتبان غير في العراضات وداكشي ديال الفابور وماكينش شي بلاصة فيها “المؤثرات” وهي محاضراش، لكن ملي الصحافيين يبغيو يحاوروها كترفض تدوي وكتقدم راسها كممثلة.
هادي 3 سنين في كل حوار كتقول كتوجد الجديد وغادي دير برنامج جديد لكن شي جديد ما شفناه، لي كنشوفو هو les giveaway وles tagues ديال الماركات في التصاور.
ما فيها عيب الواحد يكون مقتنع بشنو كيدير ويقدم راسو كمؤثر واخا شي مرات حتى التأثير ماكيكونش، اما التمثيل من نهار سالا “سنابل” حتى سنبلة سالات معاه.