كريم الشركي-كود///
لبارح الاربعاء، وقفوا ازيد من 400 حراك بينهم مغاربة، اضرابهم عن الطعام لي داروه باش يخليو الحكومة البلجيكية دير ليهم اوراق الاقامة.
وكان هاد الحراكة بداو اضرابهم عن الطعام قبل ما يقارب شهرين، مطالبين الحكومة المركزية باش تسوي ليهم الوضعية معتبرين انهم كيتعرضو للاستغلال، وبعدما علنات منظمة اطباء العالم ان هاد المضربين يقدرو يموتو هصوصا ان الكثيرين منهم دارو تصعيد وقطعو حتى الما، ناضت الحكومة ودارت معاهم مفاوضات باش يرجعو ياكلو.
ومابانش اش دارت الحكومة مع المحتجين لي وقفو الماكلة من 23 ماي اللي فات، ولكنهم وقفو اضرابهم بما يعني أن الحكومة عطاتهوم وعود لتسوية وضعيتهم.