وكالات //

عبر الملياردير بيل كَيتس على القلق ديالو الكبير حيت العالم مامستعدش نهائيا لأوبئة جديدة اللي محتمل تجي، وأكد أن الحل الوحيد هو تطوير لقاح خلال 100 يوم ونصاوبو داكشي اللي نحتاجوه في 100 يوم اللي موراها. يعني سرعة فـ التطوير و سرعة أيضا فـ الإنتاج.

وقال كَيتس في الهضرة ديالو  مع جورنال “وول ستريت جورنال”: “أنا خايف بزاف حيت الاهتمام بالأوبئة اللي تقدر تجي مستقبلا ماغاديش بالشكل الصحيح”.

وقال المتحدث “الحل الحقيقي الوحيد لهاد القضية هو يكون عندنا مصانع اللي تكون قادرة على إنتاج الكمية الكافية من اللقاحات ديال 100 يوم… وهادا ماشي شي حاجة صعيبة، وممكن تدار بسهولة”.

وكانت مؤسسة “بيل وميليندا كَيتس” الخيرية طلبات من الدول مؤخرا باش يستثمرو كثر في أنظمة الرعاية الصحية، وحتى الفاكسان.