أسماء غربي-كود//

في انستكَرام  ولفو المشاهير يبارطاجيو ويتباهاو على المتتبعين ديالهم بالخيرات لي عندهم، وهادشي هو لي غادة بيه حاليا صفاء حبيركو المنشطة السابقة ديال برنامج “لالة العروسة”.

صفاء لي راجلها قدر يحقق ثروة خيالية من التجارة الالكترونية في جايحة كورونا تحولو لفيلا كبيرة في كازا، والبارح نشرات ستوري عبر حسابها على انستكَرام، دايرة فيه طبعا اشهار لواحد لامارك ديال العود وقالت انها اختارت دير كوافوز ديال الروايح في بيت بوحدو باش تشوف روايحها كاملين قدامها وبيت اخر دارت فيه الماكياج حيت عندها بزاف.

صفاء حبيركو بدات مسارها كملكة جمال، ومن بعد دخلات لعالم التمثيل وموراها التنشيط ووسط هادشي كامل هي وجه اعلاني لبزاف ديال الماركات وكتشد على الاشهارات في مواقع التواصل فلوس صحيحة.