نجوى المالحي-كود//

محمد بوصفيحة المنشط الاذاعي لي معروف ب”مومو” منعاتو مو باش يصورها ويحطها في انتسگرام، لكن هو دار ستوريز وكشف على القصة.

الأم ديالو حسب الفيديوهات كانت كتصوب بيتزا بالخبز الكارم ومبغاتوش يدوي على الموضوع، لكن هو تشبت وقال ان الأمر عادي، وأكد ليها ان ماشي لي شفناه في اليوتوب خاصنا نجربوه.

وبانت الأم ديالو مركزة مزيان في تفرتيت الخبز لي منو غادي دير لاباط الأساسية في الاكلة لي كانت موجدة ليها الفلفلة والبصلة واللوازم ديالها.

ومومو عندو علاقة قوية مع الام ديالو بعد وفاة باه وديما كيدوي عليها فبراميجو.