الرئيسية > آراء > بيان الديوان الملكي على شركات المحروقات. رئيس الدولة انتصر لدولة الحق والقانون على دولة الفايسبوك: القانون ولا شيء غير القانون والحروب والانتقامات والتوظيف السياسي ما كتحكمش فالقرارات
29/07/2020 09:00 آراء

بيان الديوان الملكي على شركات المحروقات. رئيس الدولة انتصر لدولة الحق والقانون على دولة الفايسبوك: القانون ولا شيء غير القانون والحروب والانتقامات والتوظيف السياسي ما كتحكمش فالقرارات

بيان الديوان الملكي على شركات المحروقات. رئيس الدولة انتصر لدولة الحق والقانون على دولة الفايسبوك: القانون ولا شيء غير القانون والحروب والانتقامات والتوظيف السياسي ما كتحكمش فالقرارات

كود كازا ////

كاينة قراءات كثيرة لبلاع الديوان الملكي اللي خرج البارح على تقرير مجلس المنافسة حول ” التواطؤات المحتملة لشركات المحروقات وتجمع النفطيين بالمغرب”. كل طرف غادي يدير قراءتو.

المثير فهاد البيان على ما بان لينا هو القرار اللي خداها رئيس الدولة بعد ما وضح كلشي. هاد القرار اللي هو تعيينات جديدة. قرار برره بكون الملك محمد السادس متمسك “بشدة باستقلالية ومصداقية المؤسسات وضامنا لحسن سير عملها” وعليه قرر “تشكيل لجنة متخصصة تتكلف بإجراء التحقيقات الضرورية لتوضيح الوضعية وترفع للنظر السامي تقريرا مفصلا عن الموضوع في أقرب أجل”

واعضاءها هما “رئيسا مجلسا البرلمان” و”رئيس المحكمة الدستورية” و”رئيس المجلس الأعلى للحسابات “والي بنك المغرب” و”رئيس الهيئة الوطنية للنزاهة والوقاية من الرشوة ومحاربتها”

هادو من غير رئيسي مجلسي النواب والمستشارين٬ ماشي سياسيين وعندهم معرفة كبيرة بالمغرب خاصة ادريس جطو ديال المجلس الاعلى للحسابات وعبد اللطيف لجواهري والي بنك المغرب. ما يمكنش شي حد يأثر فيهم ولا شي حد يهدر على مصداقيتهم. حتى المنسق ديال هاد اللجنة عطاها للحجوي الامين العام للحكومة.

بيان الديوان الملكي واضح. ما يمكنش يكون قرار فيه شكوك. ما يمكنش يكون قرار حول شركات المحروقات يؤثر فيه شعب الفايسبوك. لاحظوا ان كتبت فبيان الديوان الملكي. قال باللي توصل من تظلمات من اعضاء اللجنة فيه عدة امور اجملها البيان في:

– التواصل الذي أضر ببحث القضية ومصداقية المجلس،

– اللجوء الإجباري إلى التصويت قبل إغلاق باب المناقشة،

– التفسير المبتور وانتهاك المادة 39 من القانون المتعلقة بحرية الأسعار والمنافسة،

– غموض الإجراء الخاص بالتحقيق، والذي تميز بتقاسم انتقائي للوثائق،

– عدم تلبية ملتمسات الأعضاء بهدف إجراء بحث متوازن للحجج المقدمة من طرف الشركات،

– سلوك الرئيس الذي يوحي بأنه يتصرف بناء على تعليمات أو وفق أجندة شخصية.

هاد الشي كيعني رسالة واضحة من رئيس الدولة. انا باغي تطبيق القانون. باغي قضاة =فكاع المجالات= يكونو ايلى دارو تحكيم فشي قضية يطبقو القانون ولا شيء غير القانون. ما خاصش يكون استهداف سياسي او ضرب تحت الحزام او دعم جهة ضد جهة او الحگرة. اللي غلط يخلص على حجم غلطتو ما كاينش شي حد فوق القانون او تحتو.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية