كريم الشركي – كود //

قالت وسائل إعلام هولندية، أن البوليس شد محامي “رضوان تاغي”، المافيوزي المغربي اللي تشد فدبي بعد مذكرات بحث دولية اللي صدرات فحقه.

اعتقال المحامي، اللي هو فنفس الوفت ولد عم “تاغي”، جا بسباب الشك فأنه كان كيوجد عملية هروب لأخطر مافيوزيي فهولندا، اللي قتل بزاف ديال المواطنين الهولنديين سواء صحفيين أو مافيوزيين سابقين أو عائلاتهم، عن طريق عصابتو المسماة “ملائكة الموت”.

وتمت مداهمة البيرو ديال المحامي، يوسف التاغي، بأوتريخت وحتى دارو ف مارسن، وحجزو البوليس بيسيات وديسكات باش يديرو عليها الخبرة التقنية.