الرئيسية > كود سبور > بوفال رجع بقوة فأول ماتش ليه بعد الإصابة وهادي مزيانة للمنتخب
14/08/2022 16:00 كود سبور

بوفال رجع بقوة فأول ماتش ليه بعد الإصابة وهادي مزيانة للمنتخب

بوفال رجع بقوة فأول ماتش ليه بعد الإصابة وهادي مزيانة للمنتخب

كود سبور//

رجع الدولي المغربي سفيان بوفال للميادين، من الغياب ديالو من شهر أبريل الماضي بسبب الإصابة، ونجح فالتألق من أول ماتش ليه مع الفريق ديالو أنجي الفرنسي فالبطولة الفرنسية.

وفالوقت لي كان فريق انجي خاسر فالماتش ديالو مع فريق اوكسير الفرنسي فالجولة الثانية من البطولة الفرنسية بهدفين مقابل هدف واحد، قام المدرب ديالو جيرالد باتيكل بتغيير فالدقيقة 70، ودخل سفيان بوفال لي كان حاسم.

النجم المغربي بوفال تمكن فالدقيقة 77 باش يهدي تمريرة الهدف للزميل ديالو أمين سلامة، لي استغل هاذ الكرة وسجل من خلالها الهدف ديال التعادل لفريق أنجي، وانتهى الماتش ما بين الفريقين بالتعادل هدفين لكل فريق.

هاذ العودة الجيدة ديال سفيان بوفال من الإصابة لي حرماتو من المنتخب الوطني المغربي فالمباريات الماضية، غتخلي الجمهور المغربي يرتاح ويكون مطمئن عليه قبل حوالي 3 أشهر من إنطلاق كأس العالم المقبل فقطر، حيث كانوا المغاربة خايفين ما يكونش بوفال مع ليكيب ناسيونال فالمونديال، لكن لحسن الحظ فاللاعب قدر يستاجب بسرعة مع العلاج والبرنامج التأهيلي ورجع بسرعة وهذا ربح بالنسبة للمنتخب وللفريق ديالو أنجي الفرنسي.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم