كود – سعيد الشاوي ////

ناصر بوريطة وزير الخارجية والتعاون حاصل. ماشي غير حاصل ولكن بعد ايام من الاوامر اللي خرج الملك محمد السادس مازال الوزير اللي كيحتاقر السفرا ما بالك بالقناصلة ما رسل حتى مراسلة لهاد الناس.

باش نفهمو نبداو من بيان الديوان الملكي هادي يومين. فيه ان محمد السادس وفاطار اهتمامو بمغاربة العالم عطا تعليماتو “كي تتجند السفارات والقنصليات العامة للمملكة بالخارج” وان هاد التمثيليات “مدعوة الى تسهيل جميع الاجراءات القنصلية والادارية المطلوبة من طرف المواطنين المغاربة والاجانب الراغبين في زيارة المغرب والتجاوب بطريقة ناجعة مع طلباتهم وانتظاراتهم”

وطلب محمد السادس مؤسسة محمد الخامس للتضامن باش تواكب عودة مغاربة العالم٬ فيه ان “هذه الترتيبات” تهدف الى “تسهيل مجموع المساطر الادارية والجمركية والصحية٬ خلال عملية العبور”

وطلب قبل من “للسلطات المعنية وكافة المتدخلين في مجال النقل، قصد العمل على تسهيل عودتهم إلى بلادهم، بأثمنة مناسبة”.

يعني اش؟ دوك التعيينات اللي دارها بوريطة للقناصلة ما بقاتش صالحة. هاد التعيينات كتشمل فاسبانيا 4 مدن فيها مغاربة بزاف وكلها ومشاكلو. نعرفو ان قناصلة اشبيلية وخيرونا وبرشلونة وجزر البايلار. نفس الشيء لقنصليات فايطاليا وللي غادي يكون فيها مرور مغاربة كثار.
لكن المشكلة فاسبانيا. عندنا رسميا شي 900 الف مغربي. فيهم نسبة كبيرة باغية ترجع للبلاد. الحدود البحرية مسدودة. يمكن يمشيو لفرانسا او ايطاليا او البرتغال واخا مازال ماشي رسمية هاد البرتغال.

دابا هاد القناصل ما عارفين اش يديرو حقاش وزارة الخارجية مازال ما قالت ليهم والو. الملك امرهم باش يخدمو ولكن شكون يخدم. واش اللي تعينو ولا اللي كانو من قبل.

التعيين دابا صعيب خاصة فاسبانيا حقاش بلا سفيرة وبلا اعتماد ما عندهمش كيفاش يخدمو وهادو اللي هنا كاين اللي عندو منصب اخر زيد عليه ترتيبات داروها لعائلاتهم لولادهم باش خرج قرار التغيير.

المشكلة فهادي كلها هو تدبير ناصر بوريطة بهاد الشي. الوزير اللي ما كيرضاش يرد على السفرا ما بالك بالقناصلة. القضية فيها الملك دابا. هو راه كيخاف ما يحشم ولكن دابا مازال ما خاف ما حشم وكلشي تالف