كود – مكناس//
هادي أيام قليلة كلشي يتذكر أن الأمانة العامة لحزب العدالة والتنمية، اتخذت قرارات تأديبية ضد منتخبي الحزب بجماعة وجدة، بسبب مخالفتهم لقرارات الأمانة العامة للحزب، بسبب تنسيقهم مع “البام” اللي كيقول ديما إخوان العثماني بأنه العدو ديال حزبهم لكن هادشي مباينش على أرض الواقع وكتجي غير فالدراوش وصافي.
رئيس المجلس الجماعي لمكناس، عبد الله بوانو، والقيادي البارز فصفوف البي جي دي طاح فواحد الفضحية ضربات المصداقية ديال حزبو طولا وعرضا. هاد الفضيحة تتمثل في موافقته على دعم مؤسسة يترأسه القيادي البامي مصطفى المريزق، وخا كان عدد من الناس فالمجلس ضد هادشي، ناهيك أن هاد الجمعية معندها حتى شي ملف قانوني.
وماشي غير هادشي. هاد المريزق اللي كان شي وقت هو بوق ديال ولي نعمته إلياس العماري هو عضو فالمجلس الجماعي ديال مكناس وكاين حالات التنافي. كيفاش واحد عندو علاقة بالمجلس وتستفد الجمعية ديالو من دعم محتاجة ليه جمعيات تكون جادة وبعيدة على السياسة.
اكثر من ذلك يا سي بوانو راه رئيس رئيسة فريق الأصالة و والمعاصرة بجماعة مكناس براسها قالت لـ”كود” أنها غير مقتنعة أبدا بهذه الشراكة، وأضافت أنك كونتي شبه متأكد من سلامة الاتفاقية.
