وكالات //

فرع بنك “سانطاندير” (Santander Bank) الصبنيولي فبريطانيا فرق بالخطأ 130 مليون جنيه إسترليني (تقريبا 150 مليون يورو) نهار الكريسمس على الكليان.

البنكة أكد أن 75 ألف عملية تحويل ديال الفلوس دازت جوج ديال المرات، ودابا ناوي يرجع الفلوس اللي مشات بالغلط، فعملية تسمات محليا بـ”خطأ أعياد الميلاد” (Christmas blunder).

وطمأن “سانطاندير” الكليان ديالو بالتأكيد أن كل ترانسفير داز مضوبل تحيد مباشرة من فلوس البنك وماكين لاش شي واحد يخاف على فلوسو.