20/04/2024 14:30
الشبكة اللي كيتزعمها سوري ونصبات على بنات ففاس واستغلاتهم فالدعارة مشات تغراق حبس: الوكيل العام دوزها مباشرة لغرفة الجنايات والضحايا وصلوا لـ16
نجوى المالحي-كود//
الهام العرباوي بنت نجم الأغنية الشعبية عبد العزيز الستاتي هي حديث الانترنت البارح بعد الفيديو كليب لي خرجات مع الرابور” IZY” بعنوان “حركي داك طرف”.
الأغنية مقادة على طريقة الراب المريكاني اي كلها سبان ومعيور وتخسار ديال الهضرة، و”ايلي” كانت هي نجمة الفيديو كليب وشطحات بمؤخرتها بطريقة سيكسي.
التعاليق كانت طبعا ضد، اي حاجة فيها المرا متحررة وكدير لي بغات كيجيو ضدها… والانتقادات كانت ضد الرابور لي قالو انه استغلها باش أغنيتو تشاف حيت هو ماكيعرفو حد، بحالا زعما الهام ماعندها كلمة ماعندها ارادة حرة وماشي هي لي خدات القرار دير معاه اغنية وكليب.
الفيديو من البارح لليوم شافوه امثر من 50 ألف واحد، وبنت الستاتي مازال مادارت حتى شي رد فعل أو دوات عليه عندها فالكونط انستكَرام ديالها.
