الرئيسية > تبركيك > بنادم مريض فمخو.. انتقادات لياسين لمنور حيت حط الدرابو ديال لبنان وتضامن مع الشعب اللبناني بعد الانفجار
08/08/2020 11:00 تبركيك

بنادم مريض فمخو.. انتقادات لياسين لمنور حيت حط الدرابو ديال لبنان وتضامن مع الشعب اللبناني بعد الانفجار

بنادم مريض فمخو.. انتقادات لياسين لمنور حيت حط الدرابو ديال لبنان وتضامن مع الشعب اللبناني بعد الانفجار

نجوى المالحي-كود//

كاين شي وحدين في العالم الافتراضي كيبغيو ينتاقدو من أجل الانتقاد وصافي… وهادشي لي وقع مع ياسين لمنور خو المغنية أسماء لمنور ومدير أعمالها، انتاقدوه شي وحدين حيت حط الدرابو ديال لبنان تضامنا معاهم بعد الانفجار لي وقع في بيروت ولي خلف بزاف ديال القتلى والجرحى.

ياسين جاوب المنتقدين وكتب في برسط على حسابو في انستكَرام :” درت هاذ العلم ديال هاذ البلد الجميل واش عندكم شي مانيححّ ؟ حيث شفت شي ناس قالك علاش تتضامنو مع لبنان وما تضامنتوش مع عبد المولا في مشرع بلقسيري فاش ضرب صبعو الصغير مع القنت ديال السدّاري وغوت غوتة سمعوه في جزيرة كورسيكا”.

وأضاف “آاا الاخوان الرجوع الله . ما شاء الله الفضاء الفيسبوكي كبييير تضامن فيه انت مع الصبع الصغير ديال عبمولا وخلينا حنا التشافهين نضّامنو مع نادين نجيم على خاطرنا..واش فخبارك أصديقي العميق ان انفجار بيروت ممكن يكون هو ثالث اكبر انفجار في التاريخ بعد هيروشيما ونكازاكي وتاثيره على البحر الابيض المتوسط ودول الجوار يمكن يستمر لمدة طويلة ؟ وفي الختام ما دام باقي شايط ليا شي سطورة في البروفيل ديالي كنستغلهم باش نتضامن حتى مع صبع رجل عبمولا الصغير”.

وتفاعلو بزاف ديال المشاهير المغاربة والمواطنين مع ما الكارثة لي وقعات في بيروت.

View this post on Instagram

درت هاذ العلم ديال هاذ البلد الجميل واش عندكم شي مانيححّ ؟ حيث شفت شي ناس قالك علاش تتضامنو مع لبنان وما تضامنتوش مع عبد المولا في مشرع بلقسيري فاش ضرب صبعو الصغير مع القنت ديال السدّاري وغوت غوتة سمعوه في جزيرة كورسيكا . آاا الاخوان الرجوع الله . ما شاء الله الفضاء الفيسبوكي كبييير تضامن فيه انت مع الصبع الصغير ديال عبمولا وخلينا حنا التشافهين نضّامنو مع نادين نجيم على خاطرنا . واش فخبارك أصديقي العميق ان انفجار بيروت ممكن يكون هو ثالث اكبر انفجار في التاريخ بعد هيروشيما ونكازاكي وتاثيره على البحر الابيض المتوسط ودول الجوار يمكن يستمر لمدة طويلة ؟ وفي الختام ما دام باقي شايط ليا شي سطورة في البروفيل ديالي كنستغلهم باش نتضامن حتى مع صبع رجل عبمولا الصغير .

A post shared by Yacine Lmnawar (@yacinelmnawar) on

موضوعات أخرى

28/03/2024 10:30

وشوفو التلاميذ كيولاو.. تلميذ شرمل إداري بثانوية فسلا وشرك ليه وجهو وباقي داخل خارج للمدرسة وغليان وسط أسرة التعليم فالمدينة

28/03/2024 10:20

أزمة كليات الطب والصيدلة مزال غادية.. مجلس طلبة الطب بفاس: النضال ديالنا مستمر ومقاطعتنا المفتوحة قائمة

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون