كود بروكسيل//
من البارح شي مجهولين دارو بلي غادي ينظمو حفل سري ف واحد الغابة قرب بروكسيل.. سماوه مهرجان بوم وقالو بلي غادي يحضرو ليه شي فنانين.
القضية كانت غير كذبة ابريل ولكن شي عشرين الف شخص قالو ف الفايسبوك غادي يحضرو ليه.
وخا البوليس حذرو الناس حضرات فعلا شي خمس آلاف شاب وشعلو العافية وبدات مواجهات كبيرة مع البوليس اللي ماقدرش عليهم وطلب امدادات من مدن أخرى.
هاد التجمع والعنف اللي فيه كان تعبير على تمرد البلجكيين ضد الحجر الصحي اللي استمر اشهر كبيرة وكان مزير بزاف حيث الاصابات اليومية كبيرة.
بلجيكا كتسجل تقريبا خمسة الاف اصابة يوميا واربعين وفاة و اصلا عدد السكان غير 11 مليون.