اسماء غربي – كود//

محتجون تظاهرو فبلجيكا قدام البرلمان الأوروبى ببروكسل، احتجاجا على “ميثاق الهجرة” ديال مراكش.

وشارك في المظاهرة تقريبا ألف واحد، وهتفو شعارات ضد ميثاق الهجرة اللي وقعاتو 164 دولة فمؤتمر أممي بمراكش  الأسبوع الماضي.

ودعم المظاهرة جمعيات فلمنكية قومية يمينية متطرفة، وخرجو فالمظاهرة تحت شعار “مسيرة ضد (ميثاق) مراكش”.

وتجمعو المتظاهرون فساحة شومان، وطالبو رئيس الوزراء شارل ميشيل بالاستقالة من المنصب ديالو.

واستخدم البوليس الغازات المسيلة للدموع باش يفرق المتظاهرين، بعدما بداو كيديرو أعمال شغب.