وكالات-كود//
شينوية مشات بغات دير عملية تجميل لعينيها باش يوليو كبار صدقات فالمصائب. العملية التجميلية فشلات ليها ومبقاتش قادرة تسد عينيها لدرجة كتنعس وعينيها محلولين.
هاد العملية الفاشلة خلصات فيها 2500 دولار، لكن النتيجة كانت مأساوية ديال بصح.
موقع «آسيا ون» الإخباري، كشف أن العملية لي دارت باش عينيها يوليو كبار معجباتهاش، هادشي خلاها دير تدخل جراحي، وهنا وقعات الكارثة، والقضية زادت تكفسات.
العيادة لي دارت فيها العملية فسرات أن عينيها مبقاوش كيتسدو بسبب الوقت القريب لي دارت فيه جوج عمليات.