وكالات //
قال جورنال “نيويورك تايمز” بللي الميلياردير وقطب الإعلام، روبرت مردوخ (Rupert Murdoch)، والمانكان والممثلة جيري هول (Jerry Hall)، كيوجدو باش يطلقو، بشكل مفاجئ.
مردوخ والمانكان الميريكانية جيري هول تزوجو ف2016، وباقي لحد الساعة مازال مامعروفش السبب علاش وصلو للطلاق.
ثروة مردوخ (91 عام) كتوصل ل18 مليار دولار، وكان عطا ل”Wendi Deng”،طليقتو السابقة، مبلغ 1.7 مليار دولار فتسوية لقضية الطلاق بيناتهم.
التبركَيكَة اللي كتدور دابا هي أنه مستبعد باش يتسبب طلاق مردوخ من جيري هول (65 عام)، اللي هو الرابع فحياتو، فتغيير هيكل ملكية الشركات اللي عندو فيها حصص وأسهم، واللي من بينها الشركات الأم لـ”فوكس نيوز” و”وول ستريت جورنال”.
Rupert Murdoch and Jerry Hall set to divorce – report https://t.co/R304G2MEan
— The Guardian (@guardian) June 22, 2022
