الرئيسية > آش واقع > بعد نشر الفرقاطة “إينفانتا كريستينا” حدا الجزر الجعفرية… البحرية الاسبانية رسلات كاسحات ألغام لساحل مليلية
28/11/2021 19:30 آش واقع

بعد نشر الفرقاطة “إينفانتا كريستينا” حدا الجزر الجعفرية… البحرية الاسبانية رسلات كاسحات ألغام لساحل مليلية

بعد نشر الفرقاطة “إينفانتا كريستينا” حدا الجزر الجعفرية… البحرية الاسبانية رسلات كاسحات ألغام لساحل مليلية

كريم الصوفي – كود//
[email protected]

ذكرات تقارير محلية، أن البحرية الاسبانية رسلات ف الايام الاخيرة جوج ديال كاسحات الألغام “دويرو” و “تامبر” للقناة البحرية الخاصة بميناء مليلية ل “تحديث كافة المعلومات المتعلقة بالمياه الإقليمية والأحواض البحرية”، حسب ما صرح بيه  القائد الثاني بالقيادة البحرية ف مليلية. هاذ العمليات البحرية جرات ف اليومين الفايتين وسالاو ف حدود الثالثة من مساء الجمعة 26 نونبر الحالي.

وأوضح القائد الثاني لقيادة مليلية البحرية أن الإعلان عن هاذ العملية العسكرية جا لتبديد قلق المواطنين الاسبانيين اللي تداولو عبر مواقع التواصل الاجتماعي خبر عن تواجد سفن حربية مغربية ف ساحل مليلية وباش يعرفو ان هاذ السفن تابعة للبحرية الاسبانية وها علاش كتواجد ف ساحل المدينة.

هاذ المستجدات الاخيرة كتجي ف ظل الاحتجاج الاخير ديال الخارجية الاسبانية على مشروع مزرعة تربية الحوت حدا شافاريناس ومشاريع جديدة ديال مزارع لتربية الاحياء المائية قرب الخط البحري الرابط بين ألميريا ومليلية ونشر البحرية الاسبانية للفرقاطة “إينفانتا كريستينا” بشكل دائم ف المنطقة، واللي كيبلغ طولها 88 متر والطاقم ديالها تقريبا 60 شخص ل “ضمان السلامة في المياه الوطنية “، حسب ما نشرته هيئة الأركان العامة للجيش الاسباني ف حسابها الرسمي ف تويتر.

https://www.europapress.es/andalucia/noticia-dos-buques-armada-efectuan-operaciones-melilla-coincidiendo-crisis-piscifactorias-marroquies-20211127175156.html

موضوعات أخرى

29/03/2024 15:41

نشرة إنذارية حمرة: الشتا قوية جاية غادي تواصل لـ130 ملم والرياح واصلة لـ95 كلم فالساعة

29/03/2024 15:31

قضية مضيان والمنصوري معلكة وصعيبة تفك..العشا فدار حمدي ولد الرشيد بحضور قياديين فالاستقلال مخرجش بنتيجة

29/03/2024 15:20

مقترح قانون لـ”حل” مندوبية التخطيط وإحداث الوكالة الوطنية للإحصاء والمعلومات

29/03/2024 15:00

شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا

29/03/2024 14:30

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 14:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 13:45

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها