عفراء علوي محمدي- كود//
خرج محمد المسعودي، المحامي بهيئة كازا، صباح اليوم الأربعاء، من حبس عين برجة، بعد استكمالو لعقوبتو السجنية.
المسعودي، اللي تعرف من خلال دفاعو على الصحافي حميد المهداوي والمتهمين فقضية كَديم يزيك، كان تحكم عليه بعام دالحبس، فقضية تسببو فحادثة سير فالرباط أودت بحياة 4 أشخاص.
ولقات قضية المحامي، اللي كان تعتقل فيوليوز العام اللي فات، تعاطف كبير من طرف المحامين اللي تضامنو معاه وطالبو ببراءتو.
وكان حسن بيراوين، نقيب هيئة المحامين فكازا، قال وهو كيتكلم على لسان المحامي المسعودي، أن اعتقالو “أمر عادي” وعندو علاقة بملف جنحي، وماكايدخلش فإطار “التضييق على نشاطو الحقوقي أو السياسي”.
