كود الرباط//

علمت “كود” من مصدر قيادي في حزب “الحركة الشعبية”، أن الأخير يستعد لدعم ترشح ليلى أحكيم لرئاسة مجلس بلدية الناظور، وذلك أسابيع قليلة من عزل رئيس البلدية سليمان حوليش بقرار من المحكمة الإدارية بوجدة.

ورغم المنافسة الشرسة، فإن قادة “حزب السنبلة” يرون بأن تجربتي جماعة المحمدية ومجلس جهة طنجة الحسيمة، بانتخاب وجهين نسائيين على رأس المسؤولية، غاتعطي اشارة ايجابية الى طلعو وجه نسائي ف الناظور بلاصت حوليش”.

لكن مصادر محلية تقول لـ”كود” بأن “الحظوظ القوية كاينة عند رفيق مجعيط ديال البام رغم انه ماعندوش شي خبرة سياسية كبيرة، وكاينة عند عبد القادر المقدم ديال البيجيدي رغم أنه ماعندوش عدد مقاعد كبير”.

وبذلك غاتكون معركة سياسية كبيرة، غايكون فيها إنزال قوي لقادة الاحزاب، والاتصالات بدات.

واش الأغلبية غادي تعطي مرشح ديالها ضد البام لي ف المعارضة، ولا غادي يتدخل تيار المستقبل ويدير مرشح ديالو كيفما وقع ف جهة الشمال، أسئلة حارقة داخل مدينة الناظور.