وكالات //
صحافي لبناني مشهور دار لايف قال فيه أن البيزنسمان المصري أحمد أبوهشيمة ديجا ربط علاقة جديدة بعد مدة قصيرة على طلاقو مع الفنانة ياسمين صبري، وأكثر من هادشي كيروج بللي كان كيعرفها قبل إعلان الطلاق المذكور بشكل رسمي.
الإعلامي إيلي باسيل قال أن “الحبيبة االجديدة” ديال أحمد أبو هشيمة أصلها من كوسوفو وكتعيش فتركيا وسميتها “مورينا تاراكو”، وعندها كابيني بريفي ديال التجميل.
باسيل قال أن أبوهشيمة تعرف على الحبيبة الجديدة عن طريق صحاب مصريين مشتركين، وهي من عائلة ثرية فكوسوفو، وكتعيش حياة البذخ على حسب ما كيبان على حسابها في “أنستكرام” اللي كيتابعو مليون ونص فالوورز.
