عفراء علوي محمدي- كود//

علن إسحاق شارية، التحاق رئيس جماعة لوطا، المكي الحنودي، بالحزب المغربي الحر، وهذشي غير بعد أشهر من طردو من حزب الاتحاد الاشتراكي، بعد تدوينة طلب فيها من سكان الجماعة خرق حالة الطوارئ الصحية.

وحط شارية صورة ليه مع الحنودي، فمكتب المحاماة ديالو فالرباط، وعلق “رسميا الأخ مكي الحنوذي يتسلم تزكيته من طرف السيد الأمين العام إسحاق شارية لخوض غمار الإنتخابات الجهوية والبرلمانية بدائرة الحسيمة.. مع خالص المتمنيات بانتصار كاسح لأسد الريف مكي الحنوذي”.

https://m.facebook.com/story.php?story_fbid=197920535559080&id=106750384676096

وهذ الأيام حط الحنودي تدوينة كيقول فيها: “التغيير الحقيقي هو مؤازرة عيزكم مكي بفريق جيد يستحق تمثيل السكان ..غير ذلك مجرد هراء”.

https://m.facebook.com/story.php?story_fbid=3797031370408356&id=100003045924277

وكان سبق للحنودي علن على انخراطو فالحزب، فتدوينة سابقة قال فيها “أعلن انخراطي في الحزب المغربي الحر وتأسيسنا للفرع الإقليمي للحسيمة ودخولنا غمار جميع الاستحقاقات السياسية والانتخابية المشروعة ؛ الجماعية، المهنية البرلمانية، الجهوية والاقليمية..”

https://m.facebook.com/story.php?story_fbid=3726255760819251&id=100003045924277

وفداك الأثناء ماوضحش الحنودي معامن غيكون بالضبط، حيت الحزب لحد الساعة عندو 3 أمناء عامين، و3 مكاتب سياسية، وكلها كيأكد على الشرعية ديالو، محمد زيان، وإسحاق شارية اللي انقلب عليه من خلال مؤتمر استثنائي فالخميسات، ثم يوسف خوادر اللي نقالب بدورو هو وأتباعو على شارية فمؤتمر فالجديدة.

وفحديث سابق ليه مع “كود” فاتصال هاتفي، بان أن الحنودي مافاهمش مزيان أش واقع فالحزب، وقال فتصريح مقتضب جدا قبل ما يقطع: “حتى نتأكد من هذشي ونرد عليك”.

وكان شارية رد على الحنودي عبر “كود” بالقول: مرحبا بسي الحنودي ومرحبا بكل المغابة، صراحة ماعندناش شروط مسبقة للالتحاق، اللي كيبغي الحزب كنبغيوه، والتحاق سي الحنودي بنا شرف كبير…”