الرئيسية > تبركيك > بعد الجزء اللول ديال التحقيق فبنايات جامعية حدا جامعة سطات.. تحقيقات “گود” جابت معطيات جديدة وبالوثائق
28/05/2022 11:00 تبركيك

بعد الجزء اللول ديال التحقيق فبنايات جامعية حدا جامعة سطات.. تحقيقات “گود” جابت معطيات جديدة وبالوثائق

بعد الجزء اللول ديال التحقيق فبنايات جامعية حدا جامعة سطات.. تحقيقات “گود” جابت معطيات جديدة وبالوثائق

سامي العلوي -كود كازا //

من بعد الجزء لول ديال تحقيق “گود” على بنايات السكن الجامعي البريڤي لي وقافة ورا جامعة الحسن الأول فسطات، والوقوف على تظلمات مول الشركة وعلى الروينة لي كاينة تما، كملات “گود” التحقيقات ديالها ولي طبعا مغاديش توقف هنا ولكن غادا تزيد تحقق فهاد الشي.

وتوصلات “گود” بوراق ديال اجتماع دارو كل من القايدة ديال الملحقة الادارية الثانية وومثل على الباشوية ديال سطات وممثلة على الملحقة الثانية والناس ديال الوكالة الحضرية وممثل قسم التعمير والبيئة فالعمالة، ومول التعمير في جماعة سطات وممثلة المفتشية الجهوية الجهوية للتعمير وإعادة التراب وممثل الوقاية المدنية وكعهم ممثل مكتب الماء والكهرباء وزيد عليهم لاراديك وحتى ممثل المسح العقاري.

هادو كاملين تجمعة باش يناقشو شكاية دارتها شركة STUDENT HOUSE SETTAT ومن بعد ما مشاو لعين المكان لقاو ان مول البقعة الارضية عدد 15/42495 لي كينة حدا ورش ديال بناء حي جامعي تبناو حداها جوج حيوطة العلو ديالهم ميترو وستين سنتيم واحد فيهم عندو باب ديال الحديد وهاد الش كامل بلا تسبيق مسبق، هاد الشي راه سد الطريق لي غادي للبقعة الأرضية موضوع الرسم العقاري عدد 15/29010 ولي مولاها هو الشركة المشتكية وهاديك الطريق في اصلها مخصصة طريق ديال التهيأة والمساحة ديالها هي 20 ميترو ومرقمة تحت عدد 161 على حساب تصميم التهيأة ديال سطات في 26 مارس 2018.

وحسب مصدر “گود” فراه السلطة بدات مسطرة الزجر ديال المخالف تحت عدد 1097 بتاريخ 11 ماي 2022 باش ترجع الامور لبلاصتها او حنا في “گود” غادي مزال نحققو فيهاد الملف لانو مزال غتبان فيه مستجدات.

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا